Chimera

Jaiu n’amica jò ch'è furistera
chi mancu ‘ndi videmu ‘nta la ‘mpigna
macara chi ‘ddumamu la lumera
o puru ‘na gran catasta ‘i ligna.

A diri ‘u veru ‘ndi sentumu o spissu,
cuntandundi li lagni di la vita,
chi pi’ giustari non ci poti mancu S. Rita,
sulu l’immensu, lu Santu Crucifissu.

Pi’ chistu a Iddu di vutamu,
pi’ lu mantellu sempri lu tiramu
e ‘na spiranza picciridda avemu,
la nostra vita ammenu mi capemu.

Onnipotenti nostru Sabbaturi
chi ti facisti carni e cu’ duluri
passasti li tò jorna supra a terra,
fa chi sta spiranza non sia chimera.
(diac.Francesco)