'a misericordia divina

Tuttu 'nto febbraiu du trent'unu cuminciò
quandu Gesù a Faustina chiamò:
cu 'na mani iazzata binidicia
e cu' l'autra 'u pettu si tinia
e du raggi di lu pettu pattivunu
sangu e acqua di culuri parivunu.
Poi Gesù ci dissi a Faustina:
-"Pitta, pitta 'na bella figurina
e sutta 'i peti ci scrivi stu segnu:
"Gesù: fidi a Tia jò tegnu".
E sta bella figurina chi fa
dopu Pasqua biniditta sarà,
e ricodditi, ricodditi Faustina
chistu è segnu di Misericordia Divina.
E, tu preghila, preghila Faustina
prega la Misericordia Divina.
E si 'ncontri a cu jastima,
Jò già canusciu a so' miseria,
a canusciu già di prima
picchi è fattu di materia,
ma tu prega Faustina,
prega la Misericordia Divina.
E si 'ncontri un malandrinu
già a fini da so' strata:
di piccati un saccu chjnu
e cu' l'anima già 'mbardata,
tu prega, prega Faustina,
prega la Misericordia Divina".
E prigamu tutti quanti
'a Madonna e puru 'i santi
chi sta bella figurina
chi Gesù 'ndi regalò
mi na tinemu sulu esposta
ma, ma prigamu senza sosta.
Chistu voli 'u nostru Diu
ch'eni Santu, Forti, Eternu e Piu.

(Francesco M.)